Kuka: Majlinda e ka merituar ta përjetojë këtë moment

7 Gusht 2016 - 23:52      

Trajneri i Mjalinda Kelmendit, Driton Kuka ka thënë se xhudistja e artë tashmë e ka merituar që ta përjetojë këtë moment.

“Ka punuar gjatë”, ka thënë ai në një intervistë ekskluzive për KOHA-n.

Kuka ka thënë se Majlinda në këto luftëra ka qenë e kujdesshme, sepse ka thënë se në këso gara nuk ka vend për gabime.

“Lojërat Olimpike janë njëherë në katër vjet”, ka thënë Kuka, teksa ka shtuar se duke pasur parasysh atë që ndodhi në Londër, kur Majlinda pësoi nga një gabim, kemi dashur që ai të mos përsitet.

Kuka ka thënë se sfida e Majlinda Kelmendit me xhudistin japoneze e ka bërë më së shumti të ndjehet në ethe.
“Disa herë referi më ka tërhequr vërejtjen se do të më largojë nga stoli i trajnerit. Janë të dyja dy kolose të xhudos që asnjëherë nuk janë takuar mes vete”, ka thënë Kuka.

Kuka ka folur edhe për Nora Gjakovën, për të cilën pret po ashtu që të jetë në nivel të detyrës, derisa ka thënë se shpreson se lëndimi që e ka nuk do ta pengojë për të arritur edhe ajo kulmin.

Ai ka falënderuar edhe grupin KOHA për përkrahjen e vazhdueshme që i ka dhënë Majlinda Kelmendit dhe xhudistëve të tjerë.

© KOHA. Të gjitha të drejtat janë të rezervuara.