Steele: ISIS-i është një kërcënim i përkohshëm

7 Gusht 2016 - 06:30      

ISIS-i nuk duhet ekzagjeruar, terrorizmi i grupit është vetëm një problem i përkohshëm. Kërcënimi shumë më i madh dhe jo lehtë i zgjidhshëm për botën vjen nga boshllëku gjithnjë e më i madh ndërmjet të pasurve dhe të varfërve, thotë korrespodenti veteran dhe autor i studimeve të njohura për marrëdhëniet ndërkombëtare, britaniku Jonathan Steel.

Redaktori i redaksisë së “Guardianit” në Washington, në fund të viteve shtatëdhjetë, dhe i zyrës së saj në Moskë, gjatë rënies së komunizmit, Steele, ka qenë edhe korrespondent i gazetës britanike në Kosovë gjatë luftës së viteve 1998-99 dhe ka raportuar shpesh nga Prishtina, shkruan sot “Koha Ditore”.

Shumë vjet pas largimit nga Kosova dhe në kohën e sulmeve gjithnjë më të shpeshta të “Shtetit Islamik” nëpër botë, Steele konsideron se për mposhtjen e kësaj të keqeje globale nevojitet bashkëpunim global, ndërsa si tejet të rëndësishëm e sheh bashkëpunimin me Rusinë. Për Evropën thotë se duhet të dalë përtej të menduarit të kohës së luftës së ftohtë dhe të synojë minimizimin e tensioneve me Rusinë, pjesa më e madhe e të cilave, sipas tij, janë ekzagjeruar artificialisht nga politikanët djathtistë evropianë dhe amerikanë... (intervistën e plotë e gjeni sot në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.