ISIS-i, e keqja e madhe [video]

6 Gusht 2016 - 23:15      

Terrorizmi, është tema kryesore e numrit të së dielës në gazetën ‘Koha Ditore’.

ISIS-i, e keqja e madhe, është shkrimi kryesor i gazetës lidhur me terrorizmin.

Po ashtu, për këtë temë mund të lexoni shkrimin e kryeredaktorit të ‘Kohës Ditore’, Agron Bajrami, “Terrorizmi synon përçarjen”.

Ndërkaq, korrespodenti veteran britanik, Jonathan Steel, në një intervistë, thotë se ISIS-i është një kërcënim i përkohshëm.

Në rubrikën ‘Reportazh’, mund të lexoni për heroin e refugjatëve.

Kurse, eksportimi i terrorit dhe Erdogani në sytë e diasporës, janë shkrimet që mbulojnë faqet e rubrikës, ‘Bota’.

Fotografi i pavarur, Jetmir Idrizi, rrëfen për punën e tij 7 -vjeçare në rubrikën ‘7 shkronjat’.

Në numrin special të së dielës, në ‘Fejton, mund të lexoni për krenarinë shqiptare dhe nderin e vdekjes si hero.

Në ‘Kosovarçe’, është shkrimi ‘Islami tradicional nën presionin e agjendave të huaja.

Adhuruesit e kulturës, mund të lexojnë për ‘Skënderbeun tredimensional’ dhe për suveniret me figura historike e trashëgimi kulturore.

Lexoni po ashtu në ‘Monument’ për Kullën e Sahatit në Rahovec që daton nga viti 1791, dëgjohej 12 kilometra larg.

Po ashtu në këtë numër të ‘Kohës Ditore’, është edhe shkrimi për rrugën e Dua Lipës deri te fama.

Kurse në sport, vijnë një seri shkrimesh që kanë të bëjnë me Lojërat Olimpike në Rio.

Nuk mungojnë as rubrikat e përjavshme për teknologji dhe fusha të tjera.

© KOHA. Të gjitha të drejtat janë të rezervuara.