Sylejmani: Presim dorëheqje nga të gjithë që dëgjohen në “Pronto 2”

5 Gusht 2016 - 23:38      

Saranda Sylejmani, njëra nga organizatoret e protestës së sotme pas aferës “Pronto 2”, ka folur në “Interaktiv” të KTV-së.

Ajo ka treguar se organizimi ka qenë i disa personave pa ndonjë përkatësi politike ose ndonjë OJQ-je dhe se pjesëmarrja e Vetëvendosjes ka qenë shumë demokratike ngaqë të gjithë kanë të drejtë të protestojnë, transmeton Koha.net.

Sulejmani ka thënë se presin dorëheqje nga personat që dëgjohen në përgjime dhe për këtë do të vazhdohen protestat.

Ndërsa për shifrën e dhënë nga policia për protestues, ajo ka thënë se nuk mund të jetë e vërtetë.

“Nuk mundet me qenë ashtu se nëse në rendin e parë kanë qenë 15 persona, atëherë mbrapa tyre kanë qenë edhe 50 rreshta tjerë, që i bie rreth një mijë persona”, ka thënë Sylejmani.

© KOHA. Të gjitha të drejtat janë të rezervuara.