Lekaj: As deputetët e pozitës nuk do ta votojnë demarkacionin pas debatit

3 Gusht 2016 - 23:53      

Kryetari i Grupit Parlamentar të AAK-së, Pal Lekaj ka thënë në “Interaktiv” të KTV-së se është i bindur që sot janë zbritur flamujt partiak dhe se edhe deputetët e pozitës do të votojnë kundër.

“Me ata deputetë që i kam takuar sot janë bindur se ky komision nuk ia vlen as që të përmendët pak, 22 janë pozitës që do të votojnë kundër”, ka thënë Lekaj, transmeton Koha.net.

Për Lekajn askush nga Komisioni Shtetëror për Demarkacion me Malin e Zi nuk e ka faktuar ose argumentuar në asnjë moment veprimin e tyre që Mali i Zi të hyjë 5 kilometra brenda Kosovës.

Ai gjithashtu ka thënë se edhe Prokuroria ka punë në komision.

“Ka disa falsifikime të dokumenteve dhe komisioni duhet të ndiqet penalisht, ka punë edhe Prokuroria”, ka përfunduar Lekaj, duke shtuar se gazi në Kuvend të Kosovës nga AAK-ja nuk do të hidhet më.

© KOHA. Të gjitha të drejtat janë të rezervuara.