Gjermania dënon dy “udbashë” me burgim të përjetshëm

3 Gusht 2016 - 20:50      

Josip Perkoviq dhe Zdravko Mustaç, ish-informatorë në ish–Jugosllavinë u shpallen fajtorë për ndihmesë në vrasjen e emigrantit kroat Stjepan Gjurekoviq dhe u dënuan me dënimin – burgim i përjetshëm, transmeton Koha.net.

Dënimin për vrasje në vitin 1983 e caktoi Gjykata e lartë vendore e Munihut. Gjykimi ka zgjatur dy vjet, raporton Al Jaazera.

Avokatët e të dënuarve kanë paralajmëruar ankesë ndaj këtij aktvendimi gjyqësor.

Të dënuarit kanë qenë punëtorë të sigurimit kroat në kuadër të UDB-së së ish–Jugosllavisë.

Një vit para vrasjes së këtij emigranti kroat, në vitin 1982, punëtorë të sigurimit serbë vranë Jusuf e Bardhosh Gërvallën dhe Kadri Zekën.

E bija e Jusuf Gërvallës, Donika Gërvalla Schwarz ka paralajmëruar se do të fillojë edhe gjykimi ndaj vrasësve të këtyre veprimtarëve shqiptarë në emigracion.

Sot, ajo ka apeluar te të gjithë ata që në një formë, apo tjetër janë të implikuar në atentatin e Untergruppenbachut, t'iu paraqiten organeve gjermane të drejtësisë para se të bëhet tepër vonë për ta, ka thënë ajo. Apeloj po ashtu tek të gjithë ata që kanë mbi 30 vjet që na tregojnë gënjeshtra rreth këtij atentati që tani të mbyllin gojën dhe për të shpëtuar vetveten të tregojnë të vërtetën para organeve të drejtësisë.

© KOHA. Të gjitha të drejtat janë të rezervuara.