Rasim Mulaj: Mos e votoni demarkacionin se ju dënon populli

3 Gusht 2016 - 17:51      

Rasim Mulaj, përfaqësues i fshatarëve Llukë e Epërme, Strellc e Raushiq që dalin në bjeshkë tha se kurrë në historinë e Kosovës, Mali i Zi nuk e ka pasur Kullën në anën e vet.

“Kurrë Mali i Zi këtë anë s’e ka menaxhu. Ky Komision e ka zbrit kufirin prej Kullës rrafsh 5 kilometra në brendi të Kosovës. Kemi dokumentacione të mjaftueshme që tregojnë se Kulla e Zhlebit kurrë në histori s’ka qenë pjesë e Malit të Zi. Ky komision duhet të jap dorëheqje se u ka dhënë tokë Malit të Zi. Mos e ratifikoni këtë demarkacion qysh është kështu. Nëse e votoni ta dini se keni gabuar rëndë dhe ia keni shit tokën e Kosovës Malit të Zi. Të formohet një komision i të gjitha grupeve parlamentare e të vini të ju çoj të Kulla e Zhlebit. Se shumë po folin përmendësh. Kurrë Murat Meha s’e ka thirr askënd prej përfaqësuesve që kemi hise te Kulla e Zhlebit, raporton kp. S’ka pasur takime me ne Murat Mehën, s’është e vërtetë. Mos e ratifikoni se ju dënon populli, se populli ua ka dhënë votën. Mos shukatni vllazën për tokën e Kosovës, se s’u kanë kurrë e Malit të Zi”, tha Mulaj.