Haradinaj: Çështja demarkacionit do të duhej të fillonte si sot

3 Gusht 2016 - 17:14      

Kreu i AAK-së, Ramush Haradinaj në fjalën e tij në debatin profesional për demarkacionin me Malin e Zi ka thënë se çështja e demarkacionit do të duhej të fillonte sikur që është sot me një debat apo tryezë.

Haradinaj ka thënë se nuk janë kundër pushtetit e as komisionit, por kundër këtij versioni të demarkacionit dhe se humbja apo fitorja do të jetë e vendit, dhe jo e dikujt tjetër, transmeton Koha.net.

“Kjo temë e ka rënduar Kosovën gjatë, nëse fillojmë një proces të zgjidhjes së kësaj teme, do të mund të nxirrnim Kosovën nga ky problem i madh. Askush nuk e ka kundër askujt, as kundër pushteti e as komisionit, por ka kundërshtim ndaj këtij version. Kjo do të jetë humbje apo fitore e vendit”, ka thënë Haradinaj.

© KOHA. Të gjitha të drejtat janë të rezervuara.