Veseli pret qartësime rreth demarkacionit

2 Gusht 2016 - 20:30      

Kryetari i Kuvendit të Kosovës, Kadri Veseli, pas përfundimit të takimit konsultativ me shefat e grupeve parlamentare dhe deputetët iniciues të debatit për demarkacionin me Malin e Zi, ka shprehur besimin se me këtë gjithëpërfshirje dhe transparencë do të arrihet në një përfundim pozitiv.

Ai u tha gazetarëve, transmeton kp, se po bëjnë gati një vit që kjo temë ka qenë e hapur dhe asnjëherë në kuvend nuk kanë mundur të debatojnë.

“Është një lajm i mirë dhe jam i kënaqur për këtë konsensus që të kemi një debat për çështje e kufirit që është bërë interes për qyfterët tonë. Po besojmë që me këtë gjithëpërfshirje dhe transparencë do të arrijmë në një përfundim pozitiv. Nesër kemi një pjesëmarrje masive. 16 organizata joqeveritare, 28 ambasada”, ka thënë ai.

Veseli shtoi se janë pajtuar edhe me iniciuesit për mbarëvajtjen e kësaj tryeze dhe beson që dita e nesërme do të qartësojë shumë gjëra për qytetarët

© KOHA. Të gjitha të drejtat janë të rezervuara.