MPB-ja shpreson t’i bishtnojë dënimit 5-milionësh me ndihmën e Gjykatës vendëse

30 Korrik 2016 - 06:22      

Pas vendimit të Arbitrazhit që të kompensojë me 5 milionë euro ndërmarrjen austriake të kontraktuar për prodhimin e pasaportave biometrike, Ministria e Punëve të Brendshme shpreson se do të mund t’i bishtnojë dënimit nëse vendimi i marrë në Gjykatën në Paris nuk njihet nga Gjykata Themelore e Prishtinës.

“Fjalën përfundimtare se a do të ekzekutohet ky vendim apo nuk do të ekzekutohet do ta japë Gjykata vendëse”, ka thënë të premten Gazmend Nushi, avokati që e ka përfaqësuar MPB-në në procesin gjyqësor në Gjykatën e Odës Ndërkombëtare Ekonomike në Paris, që është zhvilluar në mes të Republikës së Kosovës dhe shtypshkronjës shtetërore austriake “AG Staatsdruckerei”, e cila ka qenë e kontraktuar nga MPB-ja për prodhimin e pasaportave biometrike, shkruan sot Koha Ditore.

Kështu, Nushi ka lënë të kuptohet se ka mundësi që Kosova të mos i paguajë 5 milionë eurot, edhe pse vetë ka thënë se nuk ka njohuri nëse ndonjë vendim i Arbitrazhit nuk është njohur nga institucionet gjyqësore vendëse në ndonjë vend në rajon apo Evropë. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.