Foto Ilustrim

Historianët e Deçanit paralajmërojnë protesta para Gjykatës Kushtetuese

21 Maj 2016 - 11:37      

Selim Lokaj i Lidhjes së Historianëve të Kosovës ka folur për Koha.net rreth vendimit të Gjykatës Kushtetuese të Kosovës për pronat të cilat, sipas këtij vendimi, mbesin në anën e Manastirit të Deçanit.

Ai ka thënë se ky vendim është plotësisht i papranueshëm, transmeton Koha.net.

“Për ne si Lidhje e Historianëve dhe si qytetarë është plotësisht e papranueshme. Është kapitullim i një gjykate, e cila më së paku është Kushtetuese dhe e Kosovës”, ka thënë Lokaj.

Ai ka thënë se do të reagojnë në të gjitha format e mundshme, duke paralajmëruar protesta në Deçan dhe Prishtinë, para Gjykatës Kushtetuese të Kosovës.

“Protesta do të ketë në vazhdimësi para Gjykatës Kushtetuese, e cila nuk mundet të jetë kurrë kushtetuese. Përgjegjësia nuk do të jetë e jona, por e Gjykatës Kushtetuese”, ka thënë ai, teksa ka shtuar se ka dokument rus nga viti 1912, ku shihet se ato parcela janë në emra të shqiptarëve.

Këtë vendim ai e sheh si të padrejtë, pasi të gjitha vendimet dhe ligjet e vitit 1987-’99 janë shfuqizuar nga Parlamenti i Kosovës, e kjo është bërë në atë kohë kur i pari i Parlamentit të Serbisë ka qenë Vojsllav Shesheli.

comments powered by Disqus

038 249 105     [email protected]    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...