Foto: Ilustrim

Hungaria i propozon BE-së t’i burgosin azilkërkuesit

7 Shkurt 2017 - 13:48      

Në kuadër të mbrojtjes së kufijve të Evropës, Hungaria do t’i propozojë Bashkimit Evropian ndalimin automatik të çdo azilkërkuesit për të gjithë periudhën e aplikimit të tyre për azil.

Kështu deklaroi zëdhënësi i qeverisë hungareze, Zoltan Kovacs, i cili shtoi se zgjedhja e Donald Trump në SHBA po sjell një ndryshim qëndrimi në Evropë që justifikon pozicionin e ashpër të kryeministrit Viktor Orban ndaj emigracionit, shkruan tch.

Duke kundërshtuar me forcë termin “burgosje”, Kovacs tha se kushdo që kërkon azil në Hungari do të mbahet në qendra speciale gjatë gjithë periudhës së aplikimit, ndërsa sigurisht janë të lirë që të kthehen në vendin e tyre kur të duan.

“Asnjë migrant, as ata që e kanë bërë kërkesën për azil, nuk do të lejohet të lëvizë lirshëm pa u marrë një vendim për çështjen e tyre. E theksoj, ata nuk do të kenë të drejtë të lëvizin lirshëm në vend”, deklaroi Kovacs.

Duke paralajmëruar përballjen e ashpër mes Hungarisë dhe BE për këtë çështje, Kovacs tha se rregullat aktuale që mbulojnë procedurën e kërkimit të azilit nuk janë efektive.

“Nëse ruajmë regjimin aktual, nuk kontrollojmë dot kufijtë e Evropës”, vijoi Kovacs, duke theksuar se azilkërkuesve nuk u duhen ofruar të njëjtat mundësi si qytetarët evropianë.

Sipas tij, shumë azilkërkues që janë regjistruar në Hungari janë larguar nga vendi për shkak se mund të lëvizin lirshëm dhe kanë udhëtuar drejt Gjermanisë, Britanisë së Madhe apo vendeve të tjera, duke treguar se sistemi nuk funksionon. 

comments powered by Disqus

038 249 105     [email protected]    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...