Sllovenia miraton një ligj të ashpër për imigracionin

27 Janar 2017 - 14:17      

Lubjanë, 27 janar – Parlamenti slloven ndryshoi ligjin e azilit duke hapur rrugën për kufizimet e hyrjes dhe kontrollit të kufijve në rast të një rritjeje të mundshme të numrit të imigrantëve.

“Votimi ishte 47 me 18 në favor të rregullave të reja”, njoftoi agjencia zyrtare sllovene e lajmeve, STA.

Parlamenti mund të aktivizojë kufizimet me shumicë të thjeshtë votash, me propozim nga Ministria e Brendshme.

Pasi aktivizohet, masa efektivisht mbyll dyert për personat që vijnë pa dokumente ose hyjnë në mënyrë të paligjshme, dhe përshpejton procesin e dëbimit për ata që kanë ngecur.

Një pjesë e opozitës mbështeti ligjin, por kritikët, si Milan Brglez i Partisë moderne të Qendrës, tha se u kthye shkelja e të të drejtave të njeriut në ligj në Slloveni.

Ligji mori kritika nga organizatat e drejtave të njeriut, përfshirë “Amensty International”.