Trump largon legjendat e rokut nga inaugurimi për të kursyer para për bamirësi

18 Janar 2017 - 14:49      

Presidenti i zgjedhur i Shteteve të Bashkuara të Amerikës, Donald J. Trump ka ndërprerë negociatat me një bend të madh të rokut, i cili ka pasur të performojë në inaugurimin e tij, me qëllim që të ulë kostot dhe potencialisht të kursejë dhjetëra miliona për bamirësi.

Burimet nga inaugurimi kanë thënë për TMZ se Komiteti ishte shumë afër që të marrë një grup legjendar të rokut, një i cili ka yllin në Shëtitoren e Famës “Rock and Roll”, emri i të cilit nuk është bërë i ditur, por kur presidenti i zgjedhur kuptoi se ata kërkojnë një milion dollarë, menjëherë ka ndërprerë negociatat, transmeton Koha.net. TMZ merr vesh se Trump i ka kërkuar bendit legjendar që të ulin çmimin për performancën e tyre, por kur ata refuzuan ai i tha Komitetit për Inaugurim që të kërkojnë artistë të tjerë.

Thuhet se Komiteti për Inaugurim ka marrë më shumë se 90 milionë dollarë donacion dhe se Trump ka udhëzuar të gjithë anëtarët e Komitetit që të kenë kujdes me shpenzimet për shkak se çfarëdo që të mbesë nga donacionet do të shkojë për bamirësi.

© KOHA