Moti i ftohtë merr tre jetë në Maqedoni

10 Janar 2017 - 14:51      

Moti i ftohtë që ka kapluar Maqedoninë për disa ditë me radhë, ka marrë edhe viktimën e tretë, një nga Shkupi, një tjetër në Strumicë dhe një në Pehcevë.

68 vjeçari nga Shkupi në lagjen Aerodrom, që vdiq nga i ftohti të dielën, qëndronte në një ndërtesë të pabanuar ndërkohë që sipas informacioneve kishte refuzuar të shkonte në shtëpinë e të pastrehëve, raporton zhurnal.

Të dielën gjithashtu në Strumicë është gjetur i ngrirë një tjetër mashkull rreth të 60-ave, ndërsa sipas fqinjëve të tij ai ka qenë i shtrirë para shtëpisë në gjendje të dehur.

Ndërkohë që dje në orët e hershme të mëngjesit është gjetur e vdekur edhe një 80 vjeçare nga fshati Cërnik nga Pehceva, e cila kishte rënë nga korridori i katit të dytë.