Shkon në 4 numri i të vdekurve në Jerusalem

8 Janar 2017 - 13:48      

Kamioni që po ngitej nga një palestinez goditi turmën e këmbësorëve në një shëtitore të famshme në Jerusalem la të vdekur katër persona, ka thënë policia izraelite, sulm të cilin ata e quajtën të qëllimshëm.

Policia tha se të vdekurit, tri femra dhe një mashkull, ishin që të gjithë në të 20-at.

Një shofer izraelit i autobusit që ishte dëshmitar i këtij incidenti, ka thënë se kamioni hyri në një grup ushtarësh, të cilët më pas e qëlluan shoferin, i cili ndërroi drejtimin dhe iu vërsul sërish atyre, raporton Reuters.

“Ata e qëlluan, derisa e neutralizuan”, ka thënë shoferi i autobusit. TV stacionet izraelite thanë se shoferi është vrarë, dhe pamjet e shfaqura tregojnë vrimat e plumbave në xhamin e përparmë të kamionit, transmeton Koha.net.

Mediumet izraelite thanë se së paku katër persona mbetën të vdekur dhe rreth 15 të tjerë të lënduar.

Radio Izraeli raportoi se shoferi ishte palestinez por nuk e tregoi emrin e tij.  

© KOHA