Nuk ka zgjerim fare, ndër prioritetet e Presidencës së BE-së

4 Janar 2017 - 06:28      

Me fillimin e vitit të ri ka nisur edhe kryesimi i radhës në BE për gjashtëmujorin e parë të këtij viti që do ta ketë Malta. Ndër prioritetet që ka përmendur Presidenca malteze e BE-së janë migracioni, siguria, politika ndaj fqinjëve me fokus të veçantë në vendet e Afrikës Veriore dhe zbatimi i atyre vendimeve në BE, të cilat ishin miratuar në vitin 2016.

Sa i përket Ballkanit dhe procesit të zgjerimit duket se kësaj radhe vlen ajo thënia “larg syve-larg zemrës”, sepse Malta, shteti më i vogël që kryeson BE-në, deri tash nuk përmend fare procesin e zgjerimit e as Ballkanin ndër prioritete. Në anën tjetër një gjë e tillë është edhe shprehje e realitetit, sepse tash e një kohë është kuptuar qartë se në BE nuk ka shumë vullnet për zgjerim, shkruan sot “Koha Ditore”.

Sa u përket vendeve të Ballkanit Perëndimor, BE-ja me to do të vazhdojë bashkëpunimin në çështjet e interesit të përbashkët, sidomos ato që kanë të bëjnë me politikën e migrimit ilegal, do të vazhdojë hapjen eventuale të kapitujve të rinj në negociatat me Malin e Zi dhe Serbinë, ndërsa për shtetet tjera këtë vit edhe ashtu nuk pritet ndonjë vendim.

Pos nëse bëhet ndonjë kthesë në rastin e Shqipërisë dhe BE-ja vendos të shkojë drejt nisjes së negociatave, gjë që nuk duket reale shikuar nga situata momentale si në Bruksel, ashtu edhe në Tiranë... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.