Ivanov ka kohë deri më 9 janar të caktojë mandatarin për Qeveri

2 Janar 2017 - 16:04      

Kryetari i Maqedonisë, George Ivanov, sipas Kushtetutës, duhet për 10 ditë pas thirrjes së Parlamentit, që i bie deri më 9 janar, t’i japë mandatin kandidatit të partisë apo partive që do të arrijnë të mbledhin të paktën 61 deputetë në parlamentin e ardhshëm, shumicën minimale për të formuar Qeverinë e re.

Afati i fundit për formimin e Qeverisë tashmë po reduktohet çdo ditë dhe ai nuk po merr një vendim.

Mandatari më pas ka një afat prej 20 ditësh për të paraqitur programin dhe të vazhdojë përbërjen e propozuar të Qeverisë së re. Qeveria zgjidhet me shumicën e votave të deputetëve, raporton Alsat.

Nëse mandatari për 20 ditë nuk arrin ta bëjë këtë, e tërë procedura përsëritet duke u detyruar që mandati t’i dorëzohet një mandatari tjetër.