Viti i errët i Bashkimit Evropian

2 Janar 2017 - 19:14      

Bashkimi Evropian ka pasur një vit të vështirë, të shënuar me sulme terroriste, “Brexitin”, ngritjen e populizmin e së djathtës ekstreme dhe rritjen e ngadalshme ekonomike, dhe me krerët e shteteve anëtare të tij, që po gjarpërojnë në kursin e tyre politik. Kjo është reflektuar edhe gjatë samiteve të bllokut politik në Bruksel.

Kriza e refugjatëve është kapërcyer, por ende ka telashe që burojnë prej fluksit të refugjatëve të vendeve të trazuara e në luftëra në Lindje të Mesme e në Afrikën Veriore, shkruan “Koha Ditore”.

Ky vit ka dëshmuar se si asnjëherë tjetër, ka qenë fort e zorshme të merren vendime të rëndësishme kolektive.

Bashkimi Evropian është lëkundur me referendumin e 23 qershorit të britanikëve për të dalë nga blloku, pastaj vendimi i 4 dhjetorit të shumicës së italianëve që refuzuan ndryshimet kushtetuese. Krerët e zgjedhur në mënyrë demokratike po e kanë gjithnjë e më të vështirë të marrin vendime që përcaktojnë të ardhmen e kontinentit.

Lufta në Siri, agresioni dhe përzierja ruse dhe zgjedhja e Donald Trumpit president i Shteteve të Bashkuara të Amerikës vetëm sa i kanë përkeqësuar punët në BE.

Dhe janë disa përmbledhje prej çështjeve që kanë sfiduar krerët politikë të Bashkimit Evropian. (Artikullin e plotë mund ta lexoni në numrin festiv të Kohës Ditore, që mbetet në treg deri të martën më 3 janar) 

© KOHA. Të gjitha të drejtat janë të rezervuara.