Burri në të zeza

2 Janar 2017 - 15:15      

Ky burrë e urren Evropën, në të cilën jeton. Është fjala për Shtetin Islamik, i cili nën presion në Siri dhe Irak, e ka shpërfaqur zemërimin dhe po vepron kudo që mundet, me çfarëdo mjeti që ka në dispozicion.

Në aspektin më të gjerë, ai kundërshton çdo të panjohur të krijuar prej njeriut apo natyrës për të prodhuar të paktën frikë në opinionin publik dhe të pengojë planet dhe prioritetet e Evropës gjatë vitit në vijim. Në këtë, përjashtim nuk bën asnjë vend i botës, shkruan “Koha Ditore”.

Kërcënimi që paraqet ky grup militant megjithatë do të zgjasë edhe “për shumë vite në vijim”, me gjithë humbjet e mëdha territoriale në Irak dhe Siri.

Të gjithë ekspertët e fushës kanë paralajmëruar se grupi “do të zgjasë edhe shumë vite si një kryengritje e pastër që përdor taktika terroriste”, dhe thonë se aftësia e ISIS-it për të mobilizuar mbështetës dhe simpatizantë do t’i ofrojë atij “një trashëgimi të gjatë” si dhe ta cilësojë veten si “një kërcënim i së ardhmes”.

Ekspertët paralajmërojnë se përqendrimi ushtarak për mposhtjen e ISIS-it është tejet shkurtpamës në aspektin afatgjatë, kjo ngase vetë ngritja e Shtetit Islamik është shkaktuar nga ideologjia dhe joshja për grupet e individëve të gatshëm për t’u bërë xhihadistë. (Artikullin e plotë mund ta lexoni në numrin festiv të Kohës Ditore, që mbetet në treg deri të martën më 3 janar) 

© KOHA. Të gjitha të drejtat janë të rezervuara.