Tuniziani i dyshimtë për masakrën në Berlin ka qenë 4 vite në burg në Itali e 3 herë i arrestuar në Gjermani

21 Dhjetor 2016 - 21:13

Tuniziani që dyshohet për terrorizëm e që është i kërkuar tani për terrorin Tregun për Krishtlindje në Berlin, ka qenë në burg për katër vite në Itali, për shkak se i ka vërë flakën një shkolle, ka zbuluar babai i tij, transmeton koha.net.

Anis Amri fillimisht ka shkuar në Itali pas largimit nga vendi i tij, Tataouine të Tunizi, para shtat vite, për të shëtitur Evropën si emigrantë ilegal, ka thënë babai i tij.

Amri, për të cilin tani ofrohen 100 mijë euro për kokën e tij, ka qenë katër vite i burgosur për një sulm në shkollë.
23 vjeçari vitin e kaluar është shpërngulur në Gjermani, ku është arrestuar së paku tre herë dhe ka tërhequr vëmendjen e autoriteteve për “akte të rënda të dhunshme”, transmeton koha.net.

Në të vërtetë autoritetet kanë ngritur shqetësime në lidhje me Amrin, gjatë muajve të fundit, ku në muajin e fundit e kanë ndërlidhur atë me ekstremistët islamik, raporton Fox News.
Por edhe pse ishte njohur si mbështetës i ISIS e edhe pse ishte i trajnuar për armë, autoritetet gjermane kanë lënë të lirë Anis Amrin.

Mësohet se Amri ka përdorur së paku gjashtë emra të ndryshëm nën tre nacionalitete të ndryshme.
23 vjeçari madje ka tentuar që të rekrutoj një bashkëpunëtor për një sulm terrorist, dhe prapë autoritetet e kanë ditur këtë, por prapë kanë lënë të lirë.