31 të vdekur e mbi 70 të plagosur nga shpërthimi në Meksikë

21 Dhjetor 2016 - 08:27      

Një sërë shpërthimesh të njëpasnjëshme në një treg fishekzjarrësh në Mexico City ka vrarë të paktën 31 persona, thonë zyrtarët.

Më shumë se 70 të tjerë u plagosën pasi shpërthimi goditi tregun San Pablito në Tultepec, rreth 32 km jashtë qytetit, transmeton Koha.nt.

Policia ka shkuar në vendin e ngjarjes, derisa shkaku i shpërthimeve ende nuk dihet.

“Njerëzit po qanin gjithandej dhe po vraponin të pashpresë në të gjitha drejtimet”, ka thënë dëshmitari 20 vjeçar, Cesar Carmona.

Eruviel Avila, guvernator i shtetit të Meksikës, tha se disa fëmijë kishin pësuar djegie të shkallës mbi 90 % dhe janë dërguar në qytetin amerikan të Galveston, Texas, për trajtim të specializuar.

© KOHA