Ish-presidenti izraelit i dënuar për përdhunim, lirohet nga burgu

19 Dhjetor 2016 - 10:06      

Ish-presidenti izraelit, Moshe Katzav, i cili ishte dënuar me shtatë vjet burg që prej vitit 2011 për përdhunim, mori dje një falje të dënimit që do t’i mundësojë të lirohet, theksoi avokati i tij.

“Vendimi i komisionit për lirimin e tij është i justifikuar duke i dhënë fund një procesi të gjatë gjyqësor”, konfirmoi avokati i tij, Me Tzion Amir, deklaratat e të cilit u publikuan nga radio ushtarake izraelite.

Prokurori kërkoi gjithashtu një afat prej një javë për të studiuar mundësinë për të apeluar vendimin e komisionit për lirimin e tij.

“Kur Moshe Katzav mësoi lajmin për lirimin e tij të parakohshëm, shpërtheu në lot”, konfirmoi avokati i tij.

Katzav u shpall fajtor në fund të vitit 2010 për përdhunim kundër dy bashkëpunëtoreve të tij në kohën kur mbante postin e ministrit të Turizmit në vitet 1990.

I detyruar për të dhënë dorëheqjen në korrik të vitit 2007 si pasojë e akuzave kundër tij, ai u burgos më 7 dhjetor 2011 në burgun e Maasiyahu në Ramleh, pranë Tel-Avivit.