Erdogan fajëson kurdët për sulmin që la 13 ushtarë të vdekur e 55 të lënduar

17 Dhjetor 2016 - 15:08      

Vetura bombë e cila goditi një autobus që mbante personel ushtarak jashtë detyrës, ku mbetën të vrarë 13 ushtarë e 55 të tjerë të lënduar në qytetin turk, Kayser, sipas presidentit Erdogan, është shkaktuar nga militantët kurdë, transmeton koha.net.

Erdogan ka fajësuar ata, pasi militantët kurdë tashmë kanë pohuar se kanë kryer dy sulmet e mëparshme të këtij viti, ku kishin në shënjestër policët në Stamboll.

Kjo pritet t’i rrisë tensionet në Turqinë juglindore, ku kryesisht janë kurdët, prej ku militantët nga Partia e Punëtorëve të Kurdistanit (PKK), kanë zhvilluar kryengritje gjatë tre dekadave të fundit, transmeton koha.net.

“Stili dhe qëllimi i sulmuesve, qartë tregojnë se qëllimi i organizatës separatiste terroriste është që të pengojë Turqinë” ka thënë Erdogan në një deklaratë pas sulmit.

© KOHA