Tërmet në Indonezi, së paku 54 të vdekur

7 Dhjetor 2016 - 09:46      

Mediat botërore njoftojnë se të paktën 54 viktima janë shënuar deri më tani, si dhe shumë shtëpi dhe ndërtesa janë shkatërruar, si pasojë e tërmetit që ka goditur sot Indonezinë.

Një tërmet i fuqishëm nënujor sot e ka tronditur provincën Aceh në ishullin Sumatra në Indonezi, për pasojë kanë vdekur së paku 54 vetë, ndërsa janë plagosur qindra të tjerë dhe shkatërruar dhjetëra ndërtesa, kanë thënë autoritietet në Indonezi.

Aktualisht po ndërmerret një aksion masiv i shpëtimit, ku janë përfshirë dhjetëra banorë, ushtarë dhe policë, në rajonin Pidie Jaya.

Vëzhgimi gjeologjik i Shteteve të Bashkuara tha se intensiteti i tërmetit ishte 6.4 shkallë dhe se ai ndodhi sot në orën 5 të mëngjesit, në thellësi prej 17 kilometrash.