Të paktën 33 të vdekur nga zjarri në një atelie artistësh në Kaliforni

5 Dhjetor 2016 - 09:25      

Të paktën 33 persona gjetën vdekjen mbrëmjen e së shtunës nga një zjarr që shpërtheu të premten në mbrëmje pranë San Françiskos në një godinë ku po zhvillohej një festë, njoftojnë autoritetet, të cilat dyshojnë se bilanci mund të rëndohet akoma.

Deri tani numri i viktimave të zjarrit që shkatërroi një atelie artistësh në Okland, në Californie ka arritur në 33 të vdekur, bëri të ditur sot rreshteri i policisë, Ray Kelly.

“Kemi numëruar 33 trupa pa jetë, por ky bilanc do të vazhdojë të rritet”, paralajmëroi Kelly në një konferencë shtypi.

Shkaku i zjarrit nuk dihet ende.

Disa dhjetëra persona ndodheshin atje për të marrë pjesë në një festë ku interpretonte Golden Donna, i njohur ndryshe si Joel Shanahan.

Festa u shndërrua në një katastrofë. Zjarri që ra në Okland konsiderohet tashmë si një nga më vdekjeprurësit e 20 viteve të fundit në Shtetet e Bashkuara.