Arrestohet agjenti gjerman nën dyshimin e planifikimit të një sulmi terrorist në zyrat e BnD

29 Nëntor 2016 - 21:55      

Një agjent i Inteligjencës Gjermane është arrestuar nën akuzën se ka dashur të sulmonte zyrat e agjencisë në Koln, pasi kishte bërë deklarime islamike në internet.

Një zyrtar i agjencisë nuk ka dhënë detaje për postin e të arrestuarit, por “Die Welt” raporton se 51-vjeçari planifikonte të bombardonte zyrat qendrore të BnD-së në Koln.

“Nuk ka asnjë provë deri tani se ekzistonte rreziku konkret për sigurinë e agjencisë apo të punëtorëve të saj. Ai po akuzohet për deklaratat islamike në internet nën një emër falso dhe se ka shpalosur materiale të brendshme të agjencisë në komunikime në internet”, ka thënë zyrtari i agjencisë, raporton “Reuters”, transmeton koha.net.

“Der Spiegel” raporton se shteti gjerman ka përcjellë agjentin që katër javë.

Autoritetet gjermane kanë shtuar masat e sigurisë ndaj sulmeve potenciale, që nga qershori kur u godit nga dy sulme, për të cilat përgjegjësinë mori Shteti Islamik.

“Ne mbetemi cak i terrorizmit islamik dhe duhet të jemi të vëmendshëm nëse Shteti Islamik apo organizatat tjera terroriste duan të sulmojnë Gjermaninë”, kishte thënë muajin e shkuar Hans-Georg Maasen, shefi i Agjencisë Gjermane.

© KOHA. Të gjitha të drejtat janë të rezervuara.