Gjashtë fëmijë të vdekur e dhjetëra të lënduar në përplasjen e autobusit në Amerikë

22 Nëntor 2016 - 10:51      

Së paku gjashtë fëmijë kanë humbur jetën dhe disa të tjerë janë lënduar në një aksident me autobusë në Chattanooga, Tennessee, raporton BBC.

Autobusi, i cili barte fëmijët e moshës 5-10 vjeçare, u përplas rreth orës 16:00 dje në kohën lokale, transmeton Koha.net.

Pamjet tregojnë se autobusi është përplasur në një pemë, përderisa pjesa e lartë metalike është ndarë në dyshë. Kjo po dyshohet se është shkaktuar nga shpejtësia e lartë.

“Shpejtësia është duke u hetuar si faktor shumë, shumë i fuqishëm në këtë aksident”, thotë Fred Fletcher, shef i policisë në Chattanooga.

Hetuesit besojnë se autobusi para se të godiste pemën është përplasur në një shtyllë.

Pesë fëmijë me këtë rast kanë vdekur menjëherë, kurse një ka vdekur nga plagët në spital.

35 fëmijë ishin në autobusë, kurse edhe 23 prej tyre janë dërguar në spital.

© KOHA