Dhjetëra të vrarë nga shpërthimi i një cisterne me karburant në Mozambik

18 Nëntor 2016 - 11:22      

Të paktën 73 persona kanë vdekur nga shpërthimi i një kamioni cisternë në Mozambik. Në një deklaratë të qeverisë thuhet se njerëzit ishin duke u përpjekur për të marrë karburant nga kamioni, kur ajo shpërtheu në fshatin Caphiridzange në provincën Tete, pranë kufirit me Malawin, transmeton koha.net.

Më shumë se 100 të tjerë janë lënduar, disa prej tyre janë në gjendje kritike. Drejtori i ministrisë së informacionit, Joao Manasi, tha se është gjithashtu e mundur që automjeti është rrëzuar në një pritë nga banorët. Ai po ashtu njoftoi për nisjen e një hetimi.

Mozambiku është një nga vendet më të varfra në botë, me më shumë se gjysmën e popullsisë prej 24 milionë banorëve, që jeton nën kufirin e varfërisë. E fitoi pavarësinë nga Portugalia në vitin 1975, por ende vuan nga pasojat e një lufte civile 16-vjeçare, që përfundoi në vitin 1992.

© KOHA. Të gjitha të drejtat janë të rezervuara.