Tërmeti në Zelandë të Re ishte më i fuqishëm se që u raportua fillimisht

13 Nëntor 2016 - 15:44      

Tërmeti që goditi Zelandën e Re më parë u raportua të kishte qenë i fuqisë 7.4 ballë të Rihterit, por tani vlerësohet të ketë qenë edhe më i fuqishëm, gjegjësisht 7.8, sipas institutit amerikan të gjeologjisë.

Kjo dridhje e fuqishme toke shkaktoi edhe një cunami, ndërsa ministria e Mbrojtjes Civile dhe e Menaxhimit të Emergjencave e Zelandës së Re ka paralajmëruar banorët se valë deri në 2 metra mund ta godasin bregdetin lindor të vendit brenda dy orësh, raporton Reuters.

Anna Kaiser, sizmologe në “GNS Science”, tha se deri më tani është regjistruar një valë me lartësi deri në 1 metër në rajonin e Canterburyt verior të Ishullit Jugor, transmeton Koha.net.

Ndërkaq, Geonet, instituti i Zelandës së Re për matjet e tërmeteve, ka ndryshuar magnitudën e tërmetit, nga 6.6 sa kishte thënë në fillim, në 7.5 ballë të Rihterit.  

© KOHA