Zbulohen emrat e grupit që planifikonte aksione terroriste në Mal të Zi

11 Nëntor 2016 - 10:37      

Podgoricë, 11 nëntor – Bëhen të ditur emrat e të gjithë personave të cilët më 16 tetor planifikonin të kryenin aksione terroriste në Mal të Zi dhe të kidnaponin Millo Gjukanoviqin.

Dy organizatorët e grupit kriminal, që kishte përgatitur sulme terroriste në Mal të Zi në daten e zgjedhjeve në këtë vend, më 16 tetor, Aleksandar Singjeliq dhe Bratisllav Dikiq janë marrë në pyetje ndaras gjatë dy ditëve të fundit, ndërsa “Pobjeda” e Podgoricës shkruan se Singjeliq ka zbuluar emrat e të gjithë personave nga Serbia e Mali i Zi, që ishin pjesë e këtij grupi, transmeton Koha.net.

Përveç Dikiqit e Singjeliqit, në paraburgim me dyshime për terrorizëm në Podgoricë janë edhe Kristina Hristiq (39) nga Paraqini, Branka Miliq (61) nga Novi Sadi, Millan Dushiq - Paki (59), dhe Dragan Maksiq – Maksa (50) që të dy nga Beogradi, Srbolub Gjorgjeviq (52) nga Grocka, Aleksandar Çuroviq (33), Aleksandar Aleksiq (42), Nikolla Gjuroviq (34), Sinisha Cvetkoviq (37), Dejan Stanojeviq – Gorilla (42), Millosh Aqimoviq (26), Ivica Matiq (36) dhe Perica Andriq (39), të gjithë nga Shabaci.
Aksioni terrorist në Mal të Zi ishte organizuar nga njerëz të shërbimeve përkatëse ruse e serbe, kanë raportuar mediet e Podgoricës.

© KOHA. Të gjitha të drejtat janë të rezervuara.