Moska ka pasur kontakte me ekipin e Trumpit gjatë fushatës

10 Nëntor 2016 - 15:29      

Zyrtarët e qeverisë ruse kanë pasur kontakte me anëtarët e ekipit të Donald Trumpit gjatë fushatës për president të Amerikës, thuhet në një raport që mund të fillojë zërat për rolin e mundshëm të Kremlinit në betejën e Trumpit kundër Hillary Clintonit.

I përballur me pyetjet për lidhjet e tij me Moskën shkaku i deklaratave në favor të Vladimir Putinit, Trump vazhdimisht ka mohuar të ketë pasur kontakte me qeverinë ruse, shkruan Washington Post, transmeton Koha.net.

Por ministri rus Sergei Rybakov në një intervistë prë Interfax-in, ka thënë se “ka pasur kontakte” me ekipin e Trumpit.

“Natyrisht, ne shumicën e njerëzve i njohim nga shoqëria e tij”, ka thënë Rybakov.

“Këta njerëz kanë qenë në skenë në Shtetet e Bashkuara dhe kanë zënë pozitat e larta. Nuk mund të them për të gjithë, por disa prej tyre kanë qenë në kontakt me përfaqësuesit rus”.

“Ne kemi filluar të mendojmë për mënyrat e ndërtimit të dialogut me administratën e ardhshme të Donald Trumpit dhe kanalet që do t’i përdorim për këto qëllime”, ka thënë Ryabkov.

Zyrtarët e administratës së Obamës kanë fajësuar hakerët rusë, për infiltrimin e emailit të John Podestas, shefit të fushatës së Clintonit.
 

© KOHA. Të gjitha të drejtat janë të rezervuara.