Një i vdekur, së paku 2 të plagosur në Kaliforni

9 Nëntor 2016 - 00:28      

[E plotësuar] - Një person është vrarë dhe së paku dy të tjerë janë plagosur gjatë të shtënave me armë të martën afër një qendre votimi në qytetin e Kalifornisë Jugore, Azusa, duke nxitur autoritetet të mbyllin qendrën e votimit, një park të afërt dhe shkollat në afërsi.

Incidenti nuk është thënë se ka qenë i ndërlidhur me zgjedhjet apo me qendrën e votimit.

Së paku një i dyshuar, një femër që me vete kishte një armë dhe kishte “shkathtësi të qitjes së shpejtë”, u mendua fillimisht se ishte mbyllur në një shtëpi në afërsi të incidentit.

Por më pas u tha se nuk ishin të sigurt nëse me të vërtetë ishte e dyshuara aty. Tutje, gjërat u komplikuan edhe më tej pasi u raportua se në arrati gjendet edhe një i dyshuar i dytë.

Ende s’ka informata në lidhje me të dyshuarit e këtij sulmi se a janë arrestuar apo jo.

Dy të vdekur nga të shtënat në Arizona, mbyllet vendvotimi

Agjencia e lajmeve Reuters ka raportuar se para pak minutash ka ndodhur një incident i armatosur afër një vendvotimi në Arizona, SHBA.

Sipas Reuters, vendvotimi në Azusa, California, është mbyllur pasi të shtëna me armë zjarri janë raportuar në afërsi, transmeton Koha.net.

Deri më tani raportohet për dy viktima, raporton gazetari i CNN-it.

Ndërkaq, LATimes raporton se policia ka reaguar ndaj këtij rasti, duke theksuar se së paku katër persona janë qëlluar.

Policia në Los Angeles ka thënë se një i dyshuar është i armatosur rëndë.

“Është një gjendje mjaftë kritike”, ka thënë policia.

Sipas mediave, katër persona janë duke u trajtuar me lëndime, por nuk specifikohet gjendja e tyre shëndetësore e as shkaktarët e lëndimit të tyre.

© KOHA. Të gjitha të drejtat janë të rezervuara.