Në tri fshatra të vogla Trump – Clinton 32:25

8 Nëntor 2016 - 12:48      

Në disa fshatra të vogla të shtetit New Hampshire, sot janë mbajtur votimet për zgjedhjen e presidentit të ri të Shteteve të Bashkuara.

Vendvotimet në vendbanimet e vogla në Dixville, Hart’s Location dhe Millsfield, siç transmeton rel, janë hapur pak kohë pas mesnatës dhe janë mbyllur brenda disa minutave, pasi të gjithë personat me të drejtë zgjedhore e kanë hedhur votën e tyre.

Kandidatja demokrate, Hillary Clitnon, ka fituar më shumë vota në Dixville dhe Hart’s Location, ndërsa i nominuari republikan, Donald Trump, ka fituar bindshëm në Millsfield, ku ai triumfoi me 16 vota për të dhe 4 për Clintonin.

Kështu, votimet në këto tri fshatra të vogla i dhanë zotit Trump një epërsi të hershme, pasi për të kanë votuar 32, ndërsa për zonjën Clinton, 25 zgjedhës.

Sipas ligjit të shtetit, New Hampshire, komunitetet me më pak se 100 votues, mund të lejohen t’i hapin vendvotimet në mesnatë dhe t’i mbyllin ato, kur të gjithë zgjedhësit të votojnë.

Në disa vendvotime është shënuar prani më e madhe e përfaqësuesve të mediave se sa votues. 

comments powered by Disqus

038 249 105     [email protected]    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...