Rundi i parë i zgjedhjeve presidenciale në Bullgari nuk përcaktoi fituesin

7 Nëntor 2016 - 15:56      

Kandidati i Partisë Socialiste të Bullgarisë, gjenerali në pension Rumen Radev, në rundin e parë mori 24,8% të votave dhe kështu u radhit në vendin e parë.

Pasi që asnjëri prej kandidatëve në zgjedhjet presidenciale të mbajtura dje në Bullgari nuk mori 50% të votave tani të gjitha sytë janë kthyer nga turi i dytë i votimit.

Kandidati i Partisë Socialiste të Bullgarisë, gjenerali në pension Rumen Radev, në rundin e parë mori 24,8% të votave dhe kështu u radhit në vendin e parë.

Ndërkaq kryeparlamentarja Cecka Caçeva, kandidatja e Partisë së Qytetarëve për Zhvillimin Evropian (GERB) me lider kryeministrin aktual, Bojko Borisov, në zgjedhjet presidenciale, mori 23,5% të votave.

Kryeministri Borisov kishte deklaruar që në qoftë se kanditatja e partisë së tij nuk fiton në zgjedhje në rundin e parë qeveria do të japë dorëheqje.

Pas rundin e parë Borisov thërriti në mbledhje të jashtëzakonshme Këshillin e Ministrave.

Sipas informatave të marra nga Komisioni Qendror i Zgjedhjeve pjesëmarrja në zgjedhjet për përcaktimin e presidentit të 5-të të vendit ka qenë në nivel 45,3%.

Edhe 40 mijë shtetas të Bullgarisë që jetojnë jashtë në 71 vende të ndryshme të botës dolën në kutitë e votimit për zgjedhjet presidenciale.

Turi i dytë i votimit në zgjedhjet presidenciale në Bullgari do të mbahet më 13 nëntor, ditën e diel.