Obama me thirrje të veçantë për ta mbështetur Hillaryn

2 Nëntor 2016 - 18:58      

Në intensifikimin e përpjekjeve të Barack Obamas për të mbështetur Hillary Clintonin për të pasuar atë në drejtimin e Shtëpisë së Bardhë, ai dha një mesazh të veçantë, i cili qytetarëve u tha: Bëjeni këtë zgjedhje për mua!

Me një popullaritet të lartë në fund të mandatit, që zakonisht zbehet në mesin e udhëheqësve që lënë mandatin, me 54 për qind sipas sondazhit të fundit të Gallup-it, Presidenti demokrat 55-vjeçar, në fund të rrugëtimit politik përpara zgjedhjeve të 8 nëntorit, u bëri apelin shteteve më pak të vendosura që ta votojnë kandidaten demokrate.

Ditët e tij janë kryesisht të përqendruara për të rritur përqindjen drejt fitores së kandidates dhe ish-sekretares së Shtetit.

Pas Kolumbus (Ohajo) ku ishte të martën, ai do të udhëtojë sot në Raleigh (Karolinë e Veriut), të enjten në Majami më pas në Jacksonville (Florida), të premten në Charlotte (Karolinë e Veriut).

”Çdo herë, sigurisht duhet të presim një breshëri komplimentesh për Hillaryn. Nuk ka ekzistuar kurrë një burrë apo një grua kaq e përgatitur për këtë post, kurrë!”, ka theksuar ai.