OKB-ja gati të strehojë 150.000 të shpërngulur nga Mosuli

25 Tetor 2016 - 10:50      

Komisariati i Lartë i Kombeve të Bashkuara për Refugjatët (UNHCR) do të jetë shumë shpejt gati të presë 150.000 persona, që u largohen luftimeve përreth qytetit irakian të Mosulit, njoftoi të hënën komisioneri i Lartë për Refugjatët, Filippo Grandi.

“Përgatitjet po zhvillohen mirë. UNHCR-ja do të ketë për dy ose tre ditë 30.000 tenda në Irak, mjaftueshëm për të strehuar 150.000 persona”, deklaroi Grandi gjatë një konference për shtyp në kryeqytetin jordanez.

Autoritetet irakiane, të mbështetura nga koalicioni ndërkombëtar kundër DAESH-it, po zhvillon prej një jave një ofensivë për të rimarrë Mosulin, qyteti i dytë në Irak dhe bastioni i fundit i madh i kësaj organizate terroriste në këtë vend.

OKB-ja është e shqetësuar për rreth 1,5 milionë persona, që vazhdojnë të jetojnë në Mosul.