Steinmmeier: Bashkimi Europian në rrezik nga shkatërrimi

24 Tetor 2016 - 11:35      

Ministri gjerman i Punëve të Jashtme Frank-Walter Steinmeier ka tërhequr vërejtjen se Bashkimit Europain mund t’i vijë fundi.

“Nëse nuk dimë më t’i çmojmë vlerat e Bashkimi Europian, atëherë, ai do të shkatërrohet”, ka thënë sot për gazetën “Zuddeutsche Zeitung” Stienmeier, transmeton Koha.net.

Sipas fjalëve të tij, viti i shkuar ka dëshmuar fuqishëm se siguritë që me decenie janë menduar absolutisht të garantuara, përnjëherë janë vënë në pikëpyetje.

“Paqe e përjetshme në kontinentin tonë, Europa pa alternativë, kjo thjesht nuk vlen më”, ka thënë Steinmeier

“Kriza financiare, vala e refugjatëve në Europë dhe shoku nga referendumi në Britani të Madhe, e kanë futur Bashkimin Europian në turbulenca të fuqishme”,ka tërhequr vërejtjen ai dhe ka theksuar se popullistët djathtistë po përpiqen ta shfrytëzojnë rastin dhe dështimin e BE-së ta bëjnë për vete.

MPJ gjermane ka paralajmëruar se do të fillojnë një turne të veten në Gjermani dhe në Europë për të biseduar me qytetarët për BE-në dhe të ardhmen e tij.

“Dëshirojmë të dëgjojmë kritikat dhe të shohim se çfarë në BE iu pëlqen dhe çfarë nuk iu pëlqen”, ka thënë Steinmeier. 

© KOHA. Të gjitha të drejtat janë të rezervuara.