Rusia me raketa bërthamore me rreze deri në Berlin e Varshavë

11 Tetor 2016 - 16:58      

Rusia ka zhvendosur raketat bërthamore afër kufirit Polak, përderisa rriten tensionet me perëndimin, transmeton koha.net.

Raketat Iskander janë vendosur në Kaliningrad, një enklavë Ruse në detit Baltik, në mes të Polonisë dhe Lituanisë të cilat janë anëtare të NATA-së, transmeton koha.net.

Nga Kaliningrad raketat me rreze të gjerë mund të arrijnë shumë qytete të mëdha perëndimore, duke përfshirë Berlinin.
Zyrtarët e Polonisë, të cilës i kërcënohet direkt Varshava, kanë përshkruar këtë lëvizje si “shqetësim shumë të madh”.
Ministri i jashtëm gjerman ka thënë se situata në mesë të Rusisë dhe perëndimit ka thënë se është më e rrezikshme se gjatë Luftës së Ftoftë.

“Është e gabuar të mendohet se kjo situatë është sikurse gjatë Luftës së ftoftë. Tani kohët janë të ndryshme dhe shumë më të rrezikshme”, tha Frank Walter Steinmeier.

Diplomati gjerman dhe eksperti i sigurisë Walfgang Ischinger ka thënë se ka “rrezik i konsiderueshëm për ballafaqime ushtarake”.
“Ky rrezik nuk ka qenë kaq i madh me dekada dhe besimi në mes të Perëndimit dhe Lindjes kurrë nuk ka qenë kaq i ulët”, ka shtuar ai.

Raketat Iskander kanë një rreze prej më shumë se 700 kilometrave.

© KOHA