Dhjetë vende të varfra strehuan më shumë se gjysmën e refugjatëve në botë

4 Tetor 2016 - 12:33      

Dhjetë vende të varfra kanë streguar 56 për qind të 21 milionë refugjatëve nga vendet e krizës. Vendet strehuese, sipas Al Jazeera, ndodhen në Lindje të Afërme, Afrikë dhe Azi Jugore.

Dhjetë vende, të cilat përbëjnë vetëm 2,5 për qind të ekonomisë globale kanë pranuar më shumë se gjysmën e refugjatëve në botë, ndërsa vendet e pasura këtë barrë ia kanë lënë vendeve të varfra, ka vlerësuar Amensty International, transmeton Koha.net.

Jordania rezulton vendi me më së shumti refugjatë – 2,7 milionë, Turqia me më shumë se 2,5 milionë, Pakistani 1,6 milionë dhe Libani më shumë se 1,5 milionë refugjatë. Gjashtë vendet e tjera që kanë pranuar më shumë refugjatë janë Irani, Etiopia, Kenia, Uganda, Republikane Demokratike e Kongos dhe Çadi.

Miliona njerëz po ikin nga vendet e përfshira në luftë e përndjekje – Siria, Sudani Jugor, Afganistani dhe Iraku.

AI përmend Britaninë e Madhe e cila nga viti 2011 ka pranuar vetëm 8 mijë sirianë, kurse Jordania që ka një numër banorësh dhjetë herë më të vogël se ajo dhe vetëm 1,2 për qind të BDP-së së saj u ka ofruar strehim 655 mijë refugjatëve nga Siria.

Vetëm Kanada ka pranuar 30 mijë sirianë, vendet e tjera të pasura marrin 10 për qind të refugjatëve. 

© KOHA