Gruaja që vret luftëtarët e ISIS-it dhe i “gatuan për darkë” [foto]

29 Shtator 2016 - 15:20      

“Mbylle dhe mos lëviz,” gruaja qe mban një tigan të zi dhe një shami të zezë thotë gjithmonë këto fjalë, para se të vrasë një nga ushtarët e ISIS-it dhe t’i “gatuajë” kokat e tyre për darkë. Prestigjozi CNN ka realizuar një interviste tronditëse me këtë grua irakiene, që është padyshim më e kërkuara e ISIS-it.

“Kjo është një grua që të imponon respekt – shkruan gazetarja. Ajo mban një pistoletë Beretta 9-milimetërshe nën krahun e majtë dhe ka gjithmonë pranë bixhakun e saj gjigant, të cilin e përdor për t’u prerë kokat luftëtarëve të ISIS-it”, transmeton Syri shkrimin.

39-vjeçarja Wahida Mohamed, e njohur më mirë si Um Hanadi, drejton një grup prej rreth 70 burrash në fushën e Shirqat, një qytet 50 milje (80 kilometra) në jug të Mosulit, Irak.

Ajo dhe njerëzit e saj janë pjesë e një milicie fisnore, që kohët e fundit kanë ndihmuar forcat qeveritare për të përzënë ISIS-in jashtë qytetit.

Në botën e Irakun rural, luftëtarët femra janë një gjë e rrallë, por Um Hanadi nuk është e re në këtë fushë.

“Fillova duke luftuar terroristët në vitin 2004, duke punuar me forcat irakiane të sigurisë dhe të koalicionit”, thotë ajo. Si rezultat, ajo ka tërhequr zemërimin e Shtetit Islamik, duke u bërë gruaja më e urryer për ta.

“Kam marrë kërcënime nga udhëheqësit e lartë të ISIS-it, duke përfshirë edhe nga Ebu Bekri (al-Baghdadi) vetë”, thotë gruaja, duke iu referuar kalifit të vetëshpallur ISIS-it.

“Por unë nuk frikësohem .”

“Unë jam në krye të listës së tyre të më të kërkuarve, – mburret duke qeshur. Jam më e kërkuar se shumë se kryeministra.”

Um Hanadi është sulmuar të paktën 3 herë me bomba jashtë shtëpisë së saj në 2006, 2009, 2010, si dhe tri makina shpërthyese janë vënë sërish jashtë shtëpisë së saj në 2013-ën dhe në vitin 2014-ën.