BE-ja i druan mundësisë së sulmit kimik në Evropë

29 Shtator 2016 - 08:36      

Duke e pranuar se rreziku nga terrorizmi në Evropë e ka mbërritur kulmin e këtyre njëzet viteve, koordinatori i BE-së për kundërterrorizëm i ka paralajmëruar ligjvënësit e bllokut se Evropa mund të përballet me sulme të reja të koordinuara të ISIS-it, e mbase edhe me armë kimike.

Pas një vale të sulmeve të përgjakshme terroriste të “Shtetit Islamik”, të cilat tronditën Evropën gjatë verës, posaçërisht në Francë dhe Gjermani, Gilles de Kerchove i ka paralajmëruar anëtarët e Komitetit Parlamentar të BE-së për Liri Civile se kërcënimi terrorist në nivel të BE-së mbetet “shumë i lartë”.

De Kerchove ka thënë se “të paktën gjashtë arsye” ekzistojnë për ta mbajtur shkallën e alarmit në nivelin më të lartë të këtyre 20 viteve.