Junker promovon politikë të re mbrojtëse evropiane

18 Shtator 2016 - 17:21      

Kryetari i Komisionit evropian, Jean-Clod Junker në intervistën për edicionin e grupit medial “Funke” promovon plan për politikë të re të vetme mbrojtëse evropiane.

“Ka tre projekte konkrete drejt të cilave duhet të kahëzohemi në muajt në vijim: krijimi i shtabit të vetëm operativ, pjesëmarrje e forcave për reagim të shpejtë të BE-së në operacione në vatra të krizës dhe krijim të fondit mbrojtës evropian për zhvillim të industrisë ushtarake”, theksoi Junker në intervistë, pjesë të së cilës transmeton DPA.

Sipas Junker, bashkimi i forcave të vendeve anëtare të BE-së në një sistem të përbashkët mbrojtës ka edhe logjikë politike dhe ekonomike.

Ai megjithatë pranon se ideja për krijimin e armatës së vetme evropiane është ide e cila nuk do të mund të realizohet në një të ardhme të afërt.

“Do të kalojë edhe shumë kohë para se të kemi njësi nën flamurin e BE-së apo ushtarë në uniformë evropiane”, shton Junker në intervistë.