Pasaporta që nuk shpie kund

16 Shtator 2016 - 11:03      

Në rast se jeni të lindur në Korenë Veriore, atëherë ka gjasa shumë të mëdha që gjatë gjithë jetës tuaj të mos mund të dilni jashtë kufijve të vendit, shkruan sot Koha Ditore.

Nën regjimin totalitar të liderit Kim Jong Un, të gjithë qytetarët e Koresë Veriore e kanë të ndaluar rreptësisht që të udhëtojnë jashtë vendit, përveç nëse për këtë marrin një leje speciale prej shtetit.

Megjithatë, një numër jashtëzakonisht i vogël i njerëzve arrijnë të sigurojnë një leje të tillë qeveritare edhe e kërkojnë për të vizituar familjarët në Kinën fqinje apo nëse udhëtimet e tilla i kanë të domosdoshme për shkak të obligimeve profesionale.

Ata që janë mjaftueshëm me fat apo që paguajnë boll, marrin në këmbim një “pasaportë të thjeshtë”. Këto dokumente udhëtimi janë të përkohshme dhe duhet tu kthehen autoriteteve menjëherë pas kthimit në atdhe. Por këto nuk janë dokumentet e vetme të udhëtimit që ekzistojnë në Korenë Veriore.

Pasaportat diplomatike dhe ato zyrtare u lëshohen zyrtarëve më të lartë të shtetit dhe burokratëve -ekonomistëve, por edhe për këto dokumente ekziston një afat vlefshmërie deri në pesë vjet. Edhe këto pasaporta duhet t’u kthehen autoritetet me t’u kthyer në vend, më shumë lexoni sot në Koha Ditore.

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.