Inflacion stabil në Britani të Madhe

13 Shtator 2016 - 17:00      

Të dhënat zyrtare tregojnë se inflacioni në Britani po qëndron stabil në 0.6% edhe në muajin gusht, derisa çmimet më të lira për ushqim dhe pije joalkoolike kanë ndihmuar në kompensimin e rritjes së shpenzimeve të transportit dhe të hotelerisë.

Kjo shkallë e pandryshuar ishte në një mënyrë befasuese, raporton AP nga Londra.

Konsensusi në tregje ishte se inflacioni do të ngrihej në 0.7%, pjesërisht për shkak të rënies së funtes, pasi Britania vendosi për largim nga Bashkimi Evropian.

Vlera më e ulët e fundit e bënë importin më të shtrenjtë.

Pas publikimit të të dhënave nga Zyra për Statistika Kombëtare, funta është në kuotën prej 1.33 dollar amerikan.

Megjithëqë nuk ka rritje të inflacionit në muajin gusht, pjesa më e madhe e ekonomistëve presin që inflacioni në Britani do të rritet gjatë muajve të ardhshëm, në masë të madhe si pasojë e çmimeve më të larta të importit.