Kamermanja hungareze akuzohet për prishje të paqes

8 Shtator 2016 - 09:34      

Kamermanja hungareze, e cila u bë e njohur për shkelmimin e migrantëve afër kufirit Hungari-Serbi, është akuzuar për prishje të paqes, ka thënë prokuroria hungareze, duke shtuar se veprimet e saj nuk janë motivuar nga paragjykimet ose racizmi.

Petra Laszlo po filmonte migrantët që ndiqeshin nga policia, por në të njëjtën kohë shqelmonte refugjatët në një fushë afër kufirit. Videoja e shkelmimit, sidomos e babait me djalin e tij, që më vonë do të gjenin strehim në Spanjë.

Akuza për prishje të paqes, nga ligjet hungareze cilësohet si antisocial, sjellje e dhunshme dhe kërkon së paku dy vjet burgim për shkeljen e këtij ligji.

Kamermanja Laszlo kërkoi falje për veprimin e saj, por kishte thënë se ishte përdorur si mjet për të fshehur sjelljen e Hungarisë ndaj migrantëve. Ajo ishte shkarkuar menjëherë nga televizioni N1TV.

© KOHA. Të gjitha të drejtat janë të rezervuara.