Rreth 44 të vdekur në ditë në luftën kundër krimit në Filipine

6 Shtator 2016 - 16:38      

Manila, 6 shtator – Rreth 44 persona vdesin çdo ditë që prej dy muajsh në luftën kundër krimit të filluar nga presidenti i ri i Filipineve, Rodrigo Duterte, sipas shifrave zyrtare të bëra publike të martën.

Ky avokat 71 vjeçar u zgjodh në maj në përfundim të një fushate populiste dhe të ashpër me një program të përqendruar shumë te siguria, duke premtuar se do t’i japë fund trafikut të drogës brenda gjashtë muajve.

Policia ka vrarë 1 033 persona në operacione të luftës kundër trafikut të drogës që prej ardhjes në pushtet të Duterte, më 30 qershor.

Ajo thekson se “agjentët e saj kanë vepruar vetëm në situata të mbrojtjes legjitime”.

Nga ana tjetër, 1 894 persona kanë mbetur të vdekur në vrasje të pa shpjeguar, sipas policisë.

Organizatat e mbrojtjes së të Drejtave të Njeriut konsiderojnë se këto ekzekutime jashtëgjyqësore janë kryer nga civilë të inkurajuar nga retorika e ashpër e shefit të shtetit.