Ministri i Brendshëm i Francës: Jo ligj për ndalimin e burkas

29 Gusht 2016 - 15:15      

Një ligj që ndalon plotësisht “burkinin” në Francë do të ushqejë tensioneve ndërmjet komuniteteve dhe do të jetë antikushtetues dhe jo efektiv, tha ministri i Brendshëm i Francës, Brendshëm Bernard Cazeneuve në një intervistë botuar të dielën (28 gusht).

Gjykata më e Lartë Administrative e Francës, Këshilli i Shtetit, vendosi të premten e shkuar kundër vendimit për të ndaluar burkinin në qytetin turistik Villeneuve-Loubet.

Vendimi mund të krijojë precedentë për dhjetëra qytete të Francës që kanë urdhëruar ndalimin e burkinit nëpër plazhe.

Çështja në fjalë është kthyer në debat politik në vend rreth një vit përpara zgjedhjeve presidenciale.

Partitë e djathta dhe të ekstremit të djathtë kanë bërë thirrje që ndalimi i burkës të kthehet në ligj në të gjithë vendin.

Ish-Presidenti Nicolas Sarkozy, që ka paralajmëruar rikandidimin për President, ka kërkuar për një ligj që ndalon burkinin në vend. Por, ministri i Brendshëm tha se një ligj i tillë është i pamundur të miratohet nga qeveria aktuale.

“Qeveria … nuk mund të pranojë të nxjerrë ligje për këtë çështje , sepse ligj i tillë do të ishte antikushtetues, i paefektshëm dhe ka të ngjarë të krijojë antagonizëm dhe tensione të pariparueshme”, tha ai. “Ne nuk kemi nevojë për një ligj të ri”, shtoi ai.