Refuzimi që t’u shërbejë grave myslimane indinjon francezët

29 Gusht 2016 - 14:53      

Një pronar fast-food në periferi të Parisit u refuzon shërbimin dy grave myslimane, duke ngjallur zemërim në vend dhe thirrje për protesta.

BBC shkruan se burri ka thirrur përpara grave të mbuluara me hixhab: “Terroristët janë myslimanë dhe të gjithë myslimanët janë terroristë”.

Incidenti ka ndodhur mbrëmjen e së shtunës në restorantit Le Cenacle në Tremblay-en, por të dielën, ai u kërkoi falje një grupi të mbledhur jashtë.

Ai tha se situata i kishte “dalë nga dora” për shkak të tensioneve aktuale në vend për shkak të ndalimit të burkës në plazhet franceze, por edhe se një shok i tij ishte vrarë gjatë sulmeve terroriste në Bataclan në Paris nëntorin e kaluar.

Zyra lokale e prokurorit i tha medies vendase se kishin nisur një hetim për diskriminim racor.