Tre të vrarë në Turqi

15 Gusht 2016 - 15:41      

Në sulmin që u organizua me auto-bombë në Komisariatin e Stacionit të Kontrollit të Trafikut në Diyarbakir, sipas të dhënave të para mësohet se u vranë dy policë e një fëmijë, ndërsa 25 persona të tjerë janë plagosur, në mesin e të cilëve ka edhe policë.

Të plagosurit u dërguan në spitale të ndryshme në qytetet Diyarbakir dhe Çinar nga ekipet e Emergjencës 112. Disa të plagosur u transferuan në Spitalin Universitar të Dicles përmes helikopterëve, raporton AA.

Si pasojë e shpërthimit, në autostradë u shkaktua një grope e thellë, ndërkohë që ndërtesa trekatëshe e Komisariatit të Stacionit të Kontrollit të Trafikut u dëmtua deri në gjendje të papërdorshme.

Gjatë sulmit, dëme të mëdha pësuan një autobus i cili ishte në lëvizje në autostradën në fjalë dhe disa automjete.